Txanpinoiei segika, jentilzuloan barrena

Urteroko ohitura bihurtzen ari da, Iturmendiko kobazulo edo jentilzuloa bisitatzea.
2013an eman zuen Felix Ugarte espeleologia elkarteak aukera, Hernaniko kobazu­lo­rik luzeena ezagu­tzekoa, eta le­hengo urtean ere, bisita errepikatu zuten. Baita aurten ere. Gaur, goizeko 11:00etan ja­rri dute zita Antziolan, Itur­mendirako aldapa hasieran; etxe urdinen ondoan.

Txanpinoiek, eragina
Felix Ugarte espeleologia el­kar­­te­ko kideek garbitu zuten ko­ba­zuloa orain hiru urte, eta Egoitz Salsamendi, EHUko iker­laria xaguxar bila aritu zen. Baina ez zuen bat ere aur­ki­tu, 100 urtez txanpinoi in­dus­triarako era­bi­li­tako ko­ba­zu­loa «oso hu­ma­nizatua» topatu baitzuen.
Horregatik, itxita egoten da ko­bazuloa, baina gaur ireki egingo dute. Txikia denez, txan­daka sartu beharko da, eta bi­tarte horretan, hamai­ke­ta­koa emango dute. Lo­ka­tza iza­ten denez, oinetako ego­­ki­ak eramatea gomendatu dute.