Udako denboraldia agurtzeko, bi festa egin ditu azken asteetan Iskibi kanpinak. Azkenekoa, lehengo igandean: Euskal Jaia. Giro ezinhobea eta emanaldi berezia izan ziren eguneko protagonistetako batzuk.
Umore Onaren emanaldia eta omenaldia
Egunari hasiera emateko, emanaldi berezi bat prestatu zuen Umore Ona abesbatzak. Baina ez ziren bakarrik aritu; dantzari gazteak ere elkartu zitzaizkien, eta abeslariek kantatutako Agurra dantzatu zuten, Joseba eta David omentzeko.
Tripa beteta, toka txapelketa
Abesbatzaren emanaldia bukatuta, taloak eta sagardoa dastatzeko aukera izan zen; Goizuetako talogileek, tartean Mañolik, mota guztietako taloak egin zituzten, gainera eta oso goxoak omen zeuden!
Behin indarrak hartuta, toka txapelketari eman zitzaion hasiera. Saio ederra egin ondoren, Ixiar eta Xabier izan ziren txapeldunak nagusietan, eta Gartxot, gazteen artean. Festa girotzeko, trikitilarien doinu alaiak ere ez ziren falta izan.