Goizeko 10:30etan jarri dute elkartzeko zita, Euskal Herri osoko albokariek, arkupetan.
Albokarien Hernaniko XXIII. Topaketari hasiera emateko kontzertua eman zuen atzo Alan Griffinek, eta gaur, txoko guztietako albokariak ariko dira Hernaniko kaleak alaitzen.
Halfway to Hell liburuaren aurkezpena, hasteko
Goizeko 11:00etan albokarako 333 doinu bilduta osatu duen liburua aurkeztuko du Alan Griffinek Milagrosan. Bertan bildu du, esaterako, Goizian Parisen kantua; «Arratiako bailaran esaten omen zen norbait albokari ona zela, Goizian Parisen jotzen bazuen!».
Segidan, 12:30etan albokariak Kaxkoan ibiliko dira, eta 13:00ean Albokaldia egingo dute; emanaldi berezia. Seguru izango dela Goizian Parisen jotzen duenik!
Euria eginez gero, Atsegindegin egingo da festa; bestela, Tilosetan.