Beste urte batez, sagardo txapelketa egin du Kizkia Taldeak irailean zehar. Aurreneko hiru asteetan kanporaketa egin ondoren, asteazkenean egin zuten final haundia; bertan Alorrenea sagardotegia izendatu zuten garaile, Petritegi izan zen bigarren, eta Hernaniko Akarregi, hirugarren.
19 sagardotegitik, 6
Irailaren 7, 14 eta 21ean burutu zuen kanporaketa fasea Kizkia Taldeak. Guztira 19 sagardotegik hartu zuten parte txapelketan, baina 6k besterik ez zuten finalera pasatzeko aukera izan.
Horien artean, asteazkenean egin zuen final haundia Kizkia Taldeak bazkari eder baten bueltan, eta bertan erabaki ziren hiru saridunak.
Gure Izarra elkartean izan zen hori, eta horretarako, aurreneko aldiz, sukaldari baten laguntza izan zuen taldeak. Aurreko hamasei edizioetan, taldekideek beraiek sukaldatu izan dute, horregatik, bihotzez eskertu zioten laguntza hori.