Gipuzkoako Kirol Egokituen Federazioaren eta Herri Eskolaren laguntzaz, Kirol Egokituaren inguruko jardunaldi berezia antolatu du Udalak asteazkenean. Herri Eskolako patioan izango da ekintza, arratsaldeko 16:30etatik 19:30etara.
Eguneroko egoerak, gertuago
Asteazkeneko jardunaldia helburu zehatz batekin antolatu du Udalak: «gure herriko umeak urritasun fisikoak edo sentsorialak dituzten pertsonek egunero bizitzen dituzten egoerei eta esperientzei hurbiltzea da». Eta horretarako, umeek jarduera eta jolas ezberdinak praktikatuko dituzte, hiru orduz.
Ekintzaren garrantzia dela eta, Udalak ikastolako ikasleak ekintza honetan parte hartzera gonbidatu nahi ditu.