Urumea eskolako obra medio, atzeratu egin dira Madalen jaiak, baina festa gogorik ez dute falta Lizeagako auzotarrek, eta gaur, 18:00etan txupinazoa botatzean hasita, denetik izango da, igandera arte.
Hain zuzen, puzgarriak, Bubble Games eta aurpegia margotzeko tailerra izango dira gaur, eta gaueko 22:30etan, tute txapelketa, Aitan-Etxen.
Bilerak, asteburuan
Bestalde, auzotarrak biltzeko garai ona izan daitekeenez, Lizeaga 3.0 parte-hartze prozesuko bilerak egingo dira Urumeako jolastokian; bihar 19:00etan eta etzi, 12:00etan.