Eusko Legebiltzarrerako diputatuak aukeratzeko bozkatu zuten astigartarrek igandean. EH Bildu izan zen alderdi bokatuena zita honetan, 2012an, aurreko hauteskundeetan, bezalaxe. Botoen %37,44a eskuratu zituen, duela lau urte baino 7 boto gutxiago.
2012ko hauteskundeetan bezala, EAJ izan zen bigarren indarra Astigarragan, botoen %32,95arekin (2012an %35,78a lortu zuen).
Elkarrekin Podemos in–dartsu sartu zen Espainiako Parlamenturako hauteskundeetan, baina oraingo honetan, ez da hala izan. Hirugarren indarra izan da oraingo honetan koalizio morea, 437 botorekin (%17,22).
Aurreneko biak baino boto gehiago galdu ditu, ordea, PSE-EEk. 147 boto izan zituen alderdi sozialistak, %5,79a, duela lau urte baino 105 boto gutxiago. Bestalde, PPk ere zertxobait jaitsi zuen, 13 boto (aurten 94 eskuratu ditu, %3,70a), baina ez hainbeste.
Azkenik, beste bost alderdik ere hainbat boto jaso zituzten igandeko zitan: 23 Ciudadanosek (%1,26), 20 boto PACMA/ATTKAA koalizioak (%0,78), 11 Recortes Cero-GVk (0,43), 7 Ganemos: Si Se Puedek (%0,27), eta Partido Familia y Vidak, 3 boto (%0,11).
Horrez gain, 14 boto txuri ere izan ziren (%55), baita 8 baliogabezko edo nulo ere (%0,31).
Partehartzeari dagokionez, %58,92ak eman zuen botoa, eta %41,08a abstenitu egin zen.
Erroldak, gora; partehartzeak, behera
Partehartzeari dagokionez, 4.343 astigartar zeuden botoa ematera deituta, 2012ko hauteskundeetan baino 532 hautesle gehiago. Horietatik, %58,92a gerturatu zen hauteslekura, hau da, 2.559 herritarrek eman zuen botoa igandean. Eta %41,08a abstenitu egin zen.
2012ko hauteskundeetan, aldiz, %63,45ak bozkatu zuen, eta %36,55a ez zen hauteslekura joan. Beraz, erroldaren igoeraren ondorioz, boto gehiago egon ziren arren, partehartzeak behera egin zuen, orokorrean.
Gipuzkoan eta Hego Euskal Herrian EAJ izan da nagusi, 29 eserlekurekin.
EAJ nagusi, Gipuzkoan eta Hego Euskal Herrian
Astigarragan EH Bildu nagusitu bada ere, Gipuzkoan, baita Hego Euskal Herrian ere, EAJ izan da alderdi bozkatuena. Hortaz, Eusko Legebiltzarrean, 27 eserleku izatetik, 29 izatera pasa dira.
Behera egin du, ordea, EH Bilduren eserlekuen kopuruak, hala, 21 izatetik 17 izatera pasa dira. Legebiltzarreko irugarren alderdia da, hemendik aurrera, Elkarrekin Podemos, 11 eserlekurekin.
Eta horren ondoren daude, PSE-EE, 9 eserlekurekin (aurreko hauteskundeetatik zazpi eserleku galdu ditu), eta Alderdi Popularra, kopuru berdinarekin, aurrekoan baino eserleku bat gutxiagorekin.