Patin Festa izan bazen protagonista atzo, bizikletek hartuko diete txanda gaur, Mugikortasun Astearen barruan.
Zita bikoitza izango da gaurkoa, ostiralean hasi ziren ekintzei bukaera emateko; biak ere, goizeko 09:30etatik 11:30etara.
Batetik, Bizikleta Festa egingo dute. Plaza Berritik abiatuta, bizikleta ibilaldia egingo dute, eta bi ginkana izango dituzte bidean: Zubipeko aparkalekuan, eta Gabriel Zelaian.
Plaza Berrin, gainera, Bizibusa egitasmokoak (urriaren 3an hasiko da) ere egongo dira, mahai bat jarrita, mural bat egiten... Eta sariak ere banatuko dituzte, 11:30etan.
Bide Heziketa, Atsegindegin
Eta bestetik, Bide Heziketako zirkuitua jarriko dute Atsegindegin, haurrentzat, eta bi orduko tartean, erakutsiko diete zer egin dezaketen eta zer ez, nola ibili...
GAUR, Mugikortasun Astean
09:30-11:30, Bizikleta Festa, Plaza Berritik abiatuta.
09:30-11:30, Bide Heziketa zirkuitua, Atsegindegin.