Akarregi, Euskal Herriko txapeldun

Akarregiko sagardoa da eus­kal herritarren gustukoena. Hala erabaki zuen larunbatean, 200 lagunek osatutako epaimahai herrikoiak. Euskal Herriko II. Sagardo Txapelketa Herrikoia irabazi du sagardotegi hernaniarrak, Lizeaga eta Itxas-Bururen aurretik.
Andoaingo Zumea plazan ospatu zuten final haundia, larunbatean. Afari bikainarekin eta giro ederrean, 12 sa­gar­dotegi finalisten sagardoak dastatu zituz­ten bertaratuek, eta Akarregi izan zen puntu gehien jaso zituena. Guztira, 36 sagardotegik hartu dute parte txapelketan, eta hiru fi­na­laurrekoetako onenak pasa ziren finalera.