Patina eta bizikleta, mugitzeko bi aukera gaur eta bihar

Mugitzeko modu jasan­ga­rri­ak bultzatzeko asmoz, Mugi­kor­tasun Astea ari da izaten Her­nanin atzotik. Kox­­ka el­kar­teak antolatuta, Kirol Egokitu saioa izan zen atzo: proba ezberdinak izan ziren, bakoi­tza desgaitasun batekin lotuta eta partehartzai­leek pun­tuak lor­tu zituzten, erakutsi zuten gogo eta sin­patiaren arabera.
Mugikortasun Asteak ga­ur izango du segida Tilo­se­tan, Patin Festarekin. Pati­ne­­­tan buelta egiteko aukera izan­go dute trebatuta dau­de­nek. Ohiturarik ez dutenek edo hasi­berriak direnek be­rriz, jola­se­tan parte hartzeko aukera izango dute. Modali­tate ez­berdinetako patin era­kustal­diak ere, izango dira.
Bihar, azkenik, Bizikleta Festa antolatu dute Plaza Berritik abiatuta; bidean bi ginkana izango dira. Eta ordu berean, Bide Heziketako zirkuitua ere izango da Atsegindegin.

IRAILAK 24, gaur
Patin Festa, Tilosetan:
10:30, Patinetan ibilaldia, 
trebatuenentzat.
11:00, Patin jolasak.
12:30, Modalitate ezberdinetako patin erakustaldiak.

IRAILAK 25, bihar
09:30-11:30, Bizikleta Festa, Plaza Berritik abiatuta.
09:30-11:30, Bide Heziketa 
zirkuitua, Atsegindegin.