Gipuzkoako Txapelketari ekin zioten aurreko astean Hernaniko pelotariek, eta atzo eta herenegun hainbat partidu jokatu ondoren, beste hiru izango dira gaur.
Nagusiak izango dira goiztiarrenak, goizeko 10:00etan jokatuko dute Azkoitian Urkizu eta Labakak, azkoitiarren aurka. Leku berean, baina arratsaldeko 15:30etan, daukate hitzordua Lazkano eta Berasarte jubenilek.
Azkeneko partidua, aldiz, Hernanin bertan izango da arratsaldeko 16:30etan hasita. Bertan izango dira, besteak beste, E. Garmendia eta Lasa kadeteak, Izuruneko pelotarien aurka.
San Migel Txapelketa, Oñatin
Bestalde, San Migel Txapelketa ere jokatuko da gaur, Oñatin. Arratsaldeko 18:00etan izango dira partiduak, eta bertan hartuko dute parte Zabala eta Arizmendi hernaniarrek, Agirremalloa eta Ibarlozaren aurka.