Berdintasunaren arloak bi zita garrantzitsu dauzka Hernanin, gaur eta bihar. Aurrenekoa, Jabetze Eskolen ikasturteari hasiera emango dion kontzertua izango da: Celia Okonek eskainiko du, gaur gaueko 22:00etan, Leokako labaderoan. Hori dela eta, itxita egongo da Portura dijoan kalea, 21:45etatik 00:00etara.
Abeslari eta modelo hernaniarra da Okon, jatorri afroportugaldarrekoa, eta hainbat musika estilo fusionatuko ditu, Isabel Martinez Ballesterosen Bajo las jaulas izeneko performanceak lagunduta.
Jardunaldiak, bihar
Bihar, berriz, egun osoko programa prestatu dute Hernaniko Udalak eta Berdintasun Kontseiluak. Jardunaldiak antolatu dituzte, Emakumeen Etxea definitzeko prozesu partehartzaileari hasiera emateko. Goizean, hitzaldi, solasaldi eta esperientziak izango dira Biterin. Eta arratsaldean, aurkeztuko dituzte Komanditario berriak proiektua eta Andrekale ikusentzunezkoa.
EMAKUMEEN ETXEA
Jardunaldiak, Biterin
09:30-09:45, Aurkezpena.
09:45-10:45, Emakumeen etxeak eta feminismoaren eraldaketak. Mari Luz Esteban Galarza.
11:15-12:30, Emakumeen Topalekuen esperientziak ezagutuz: Basauri, Arrasate eta Ermua.
12:30-14:00, Hernaniko Berdintasunaren eta mugimendu feministaren aldeko txango historikoa tailerra.
14:00, Klownklusioak. Virjinia Imaz Quijera, Oihulari Klown.
‘Komanditario berriak’ proiektuaren aurkezpena
20:00, Ekhiñe, Kandela eta Pantxaren kondairaren ibilaldia, Zinkoeneatik hasita.
21:00, Andrekale ikusentzunezkoaren emanaldia, Andre Kalean (euria egingo balu, udaletxeko arkupeetan).