Eraikuntza sozialari buruz, solasaldia antolatu du gaur EH Bilduk, hauteskunde kanpainaren barruan: Txanponaren beste aldea; eraikuntza soziala. Biteri kultur etxean izango da saioa, arratsaldeko 19:30etan hasita, eta bertan egongo dira Ander Rodriguez, Fermin Lazkano eta Elena Beloki.
EH Bilduk bere programan jaso dituen hainbat gai landuko dituzte solasaldian; besteak beste, erreskate soziala, guztiontzako lan duina, haur eta nerabeentzako errenta, pentsio duinak... Alderdiak nabarmendu duenez, «EH Bildurekin bat egiten dute beste modelo sozioekonomiko baten alde dauden hainbat langile, pentsionista eta langabetuk», eta gogorarazi dute, «35 orduko lanastea eta 1.200 euroko soldata minimoa» proposatzen dituela alderdiak.