Zerbitzu gida osatuko dute, 65 urtetik gorakoentzat

65 urtetik gorako herritarren­tzat, zerbitzu gida bat osatuko dute. Hala erabaki zuen Jubi­la­tuen Mahaiak, asteartean egin zuen bileran.
Udaleko Zerbitzu Sozialek eta jubilatuen hainbat ordezkarik osatu dute taldea, Jubi­latuen Mahaia izendatu dutena, «adin tarte horrekin zerikusia duten programak, planak eta politikak elkarlanean erabakitzeko», Hernaniko Uda­lak azaldu duenez.
Mahai hori osatzen duten kideak honakoak dira: Xabier Lertxundi, Zerbitzu So­zia­leta­ko lehendakaria;  Goiz Eguzki, Odol Emai­leen Elkar­tea, Ema­kumeen Elkartea, Amher eta Caritaseko ordezkariak; eta beste zenbait he­rri­tar.
Asteartean egin zuten ba­tzarrean, landu zuten 65 urtetik gorakoentzat zerbitzu gida hori osatzeko proposamena, eta zein informazio bildu zerbitzu gida horretan.