Izugarrizko maila ematen hasi dute denboraldi berria ere, pelotari hernaniarrek. Aurreko asteburuan bi txapela lortu bazituzten, hirugarrena ere gehitu dio palmaresari Ioritz Arrietak, asteburu honetan. Santo Cristo de Otadia torneoa irabazi du Altsasun, Landiribar nafarrarekin. Prestigio haundiko txapelketa da, 47 urteko historia duena.
Ederki kostata lortu zuten, hala ere. 22-21 nagusitu ziren finalean, Iriarte eta Eskirozen kontra. Ondo ekin zioten partiduari, 10-5 aurreratuta, Landiribar atzean seguru eta Arrieta diferentzia markatzen. Baina berdintzea lortu zuten kontrarioek (10-10), eta ordutik aurrera, oso berdinduta joan zen partidua, tanto luzeekin eta ikuskizun ederrarekin. Ikusleek zutik eskertu zuten lau pelotarien lana, azkeneko tantoa Arrieta eta Landiribarren alde bukatu zenean.
Horrela, iaz lortutako txapela errepikatu du Arrietak.
Pelota Eskolan apuntatzeko, frontoian arratsaldero
Bestalde, Pelota Eskolak jakinarazi du, haurrek aukera daukatela oraindik, CD Hernaniko pelota eskolan apuntatzeko, denboraldi honetarako.
Apuntatu daitezkeen haurrak dira, 2008, 2007, 2006 eta 2005 urteetan jaiotakoak. Nahi dutenek, kiroldegiko frontoitik pasa behar dute, astelehenetik ostiralera, arratsaldero 18:00etatik 19:00etara, eta Rufino Rekalde delegatuaren galdera egin.