«Mugitzeko ohitura berriak bultzatzeko», mugikortasunaren festa asteburuan

«Beste modu batera ibiltzeko ohitura, mugitzeko modu ja­san­garriagoak» bultzatzea da helburua, asteburu honetan Hernanin antolatu dituzten ekintzetan. Mugikortasun Ja­sangarriaren Europako Astea ospatuko dute, ostiralean hasi eta igandera arte.

Kirol egokituarekin urteroko zita, hasiera emateko
Eta aurreneko ekintza, ostira­lean bertan, kirol egokitua izango da, Koxka elkartearen eskutik. Bederatzigarren urtez egin­go dute, «beste ikuspuntu bat aportatzeko, desgaita­su­narena», azaldu zuen Begoña Simonek, elkarteko kideak: «helburua da, desgaitasuna du­enaren tokian jarri eta espe­ri­mentatzea». Proba ezberdinak izango dira, bakoitza desgai­ta­sun batekin lotua, eta pun­tu­a­tuko dute parte hartzaile ba­koitzaren gogoa, sinpatia...
Kike Parrak, bere aldetik, gurasoak animatu nahi izan zituen, haurrekin gerturatu eta haiekin parte hartzera.

Patin Festa, trebe zein hasiberrientzat
Larunbateko zita, Patin Festa izango da, Tilosetan egingo dutena: «erakutsi nahi dugu, patinatzea ez dela jolasa baka­rrik, kirol osasuntsu bat ere badela», azaldu zuen Garikoitz Astarbek, CD Hernaniko irris­ta­keta saileko arduradunak.
Patinetan ibilaldia egiteko aukera izango dute, trebatuta daudenek; eta hain trebeak ez direnek eta hasiberriek, jola­sak izango dituzte Tilosetan. Gero, modalitate ezberdine­ta­ko patin erakustaldiak izango dira bertan, bertako patina­tzaileekin eta mundu mailan onenetakoak diren beste bi patinatzailerekin: Ainhoa Gal­deano eta Laura Muñoz.

Bizikletak eta bide heziketa, igandeko plana
Eta igandean, bukatzeko, bi zita izango dira: Bizikleta Fes­ta, Plaza Berritik abiatuta; eta Bide Heziketa zirkuitua, Atse­gindegin. Bizikleta ibilbidea osatzeko, denak batera abia­tu­ko dira, eta elkarrekin osatuko dute zirkuitua. Tartean, bi gin­kana izango dituzte: Zubipe eta Landare arteko parkinean bat, eta Gabriel Zelaian bestea. Mertxe Gomez Agenda 21eko teknikariak azaldu zuen, aur­ten «laburragoa» egingo du­te­la, «hauteskunde eguna izan­da kotxe mugimendu haun­dia» izango delako.
Eta Bide Heziketa zirkuitu­an, erakutsiko dute nola jo­ka­tu bideetan, zer egin eta zer ez... Haurrei zuzenduta egongo da.
Bestalde, boluntarioak es­ka­tu dituzte, ekintza ezber­di­netan laguntzeko.
Luix Intxauspe alkateak, bere aldetik, eskerrak eman zizkien ekintza desberdinak antolatu dituzten eragileei, eta azaldu zuen, mugitzeko modu jasangarriagoak baliatzeko, azpiegitura egokiak ere behar direla, eta horretarako ere lan egin behar dela. 

MUGIKORTASUN IRAUNKORRAREN ASTEA

IRAILAK 23, ostirala
17:00-19:30, Kirol egokitua. Atsegindegin.

IRAILAK 24, larunbata
Patin Festa, Tilosetan:
10:30, Patinetan ibilaldia, trebatuenentzat.
11:00, Patin jolasak.
12:30, Modalitate ezberdinetako patin erakustaldiak.

IRAILAK 25, igandea
09:30-11:30, Bizikleta Festa, Plaza Berritik abiatuta.
09:30-11:30, Bide Heziketa zirkuitua, Atsegindegin.