Beste urte batez, argazki rallya antolatu du Hernaniko Argazki Forumak. Gaur izango da argazkiak ateratzeko aukera, eta urriaren 6an izango da sari banaketa, Biterin.
Izenematea, arkupe txikian
Parte hartu nahi dutenek izena eman beharko dute, aurrena. Horretarako, udaletxeko arkupe txikira joan beharko dute goizeko 09:00-10:00ak bitartean.
Bi kategoriatan banatuko dira parte-hartzaileak: 12 urtetik beherakoena, batetik, eta 13 urtetik gorakoena, bestetik.
Argazkiak, goizean zehar
Izena ematerako garaian jakinaraziko dituzte aurtengo Rallyko gaiak zein izango diren. Derrigorrezkoa izango da argazkiak Hernanin egitea, eta 09:00etatik 14:00etara egindakoak bakarrik onartuko dira lehiaketarako.
Erakusketa, hilaren 28tik
Asteazkenera arte izango dute aukera parte-hartzaileek argazkiak entregatzeko. Ondoren, irabazleak erabakiko ditu epaimahaiak, eta irailaren 28tik urriaren 6ra arte erakusketa egingo da Biterin horietako argazki batzueklin.