Eguraldia lagun ez izan arren, gozatu ederra izan zuten hernaniarrek atzo, Euskal Jaien azkeneko egunean. Ekintza gehienak Plazatik Atsegindegira pasatu zituzten, eta Tilosetako pelota partiduak, aldiz, Kiroldegiko frontoian izan ziren. Atsegindegin egin ziren sagardo eta pintxo dastaketa, baita Trikitixa Txapelketaren 18garren edizioa ere. Bertan izan ziren Eider Tolosa, Lierni Tolosa, Elaia Diaz, eta Araitz Elizalde eta Alazne Balenciaga hernaniarrak (argazkiko bikotea); ez zuten txapelik irabazi, baina ez ziren esku hutsik joan, partehartzaileek guztiek izan baitzuten saria.