Astigarragan eginen dute Kizki Eguna aurten, datorren igandean, irailaren 25ean. Eta erronka izanen da, 700 lagun elkartzea kizkiarekin sagarrak biltzen, marka ezarri nahian. Horregatik, goizuetarrei ere luzatu die deia Goizuetako Udalak, joatera animatzeko.
Bertan parte hartu nahi dutenek (16 urtetik gorakoek), izena eman dezakete www.sagardoarenlurraldea.com web orrian, edo egunean bertan. Euro baten truke eskuratu daitezke kizkiak.
Marka onena 441 kizki-lagunekoa da, iaz Errenterian jarri zutena. Goizuetan, 2011n egin zuten Kizki Eguna, eta 400 kizki-lagun elkartu zituzten.