Hauteskunde kanpainaren barruan hainbat ekitaldi antolatu ditu EH Bilduk, herrian. Atzo bertan, jai giroan herritarrak elkartzeko festa antolatu zuen, musikak, jolasek eta jatekoak lagunduta.
Gaur, berriz, Bilboko Miribillan 17:30etan hasiko den Mitin-Jaira joateko gonbitea luzatu du; 15:30etan aterako da autobusa.
Bizikleta Martxa, bihar
Azkenik, bihar 12:30etan Joseba Barandiaran plazan jarri dute zita; Mugikortasun Astearekin bat egiteko, bizikleta martxa egingo du.
Astelehenean, Rebea Ubera
Eta datorren asterako ere prestatu dute egitaraua. Astelehenean, 17:00etan hasita, Rebeka Ubera EH Bilduko hautagaia hizketan ariko da Foru Plazan, osasun eta hezkuntza sistema propioaren inguruan.
Hala azaldu du EH Bilduk: «2009tik, hezkuntzan 3.600 enplegu galdu dira EAJk eta PSEk bultzatu dituzten 222 milioi euroko murrizketen ondorioz». Bestalde, azaldu du: «osasungintzan ere mu–rrizketak nabariak izan dira, eta 3.000 lanpostu galdu dira 2009tik, eta Astigarragan nabari da».