Hainbat herritar eta gazterekin solasean, aste honetan

Ekitaldi ugari egiten ari da EH Bildu hauteskunde kan­painan zehar, eta horietako bi izan dira aste honetan. As­te­azkenean mitina eman zu­ten Larraitz Ugarte eta Nerea Kortajarena Gipuzkoa­ko hau­­­­­­­­­ta­gaiek, eta herene­gun, Mi­kel Urdangarinek herriko gaz­teekin egin zuen sola­sal­dia. 

EH Bilduren proposamena, Kortajarena eta Ugartek
Asteazkeneko mitinean EH Bil­duren proposamena luza­tu zuten Nerea Kortajarena eta Larraitz Ugartek. 
Beharrean direnen babe­sa eta Euskal Herriaren es­ku­bideen defentsa izan ziren Atsegindegin egindako eki­tal­diko ardatzak. 
Eta horre­tarako, elkarlan politikoa al­da­rrikatu zuten: murriz­ketei aurre egiteko, Euskal Herri­an beste estatus bat lortzeko,  eta bake iraun­korra lortzeko.
«Lanerako eta borrokarako espazioa»
Herenegun, aldiz, Mikel Urdangarin gaztearen bisita izan zuten herriko gazteek. Besteak beste, EH Bildun egotearen zergatia azaldu zuen: «EH Bilduk lanerako eta borrokarako espazioa ematen duelako».

Triki poteoa, gaur
Gaur eguerdiko 12:30etan ja­rri dute zita, triki poteorako.