EAJ-PNV Udal taldeak ez du jarraituko 2016ko aurrekontu partehartzaileetan, eta hala jakinarazi du taldeak berak prentsa ohar bitartez. Talde jeltzaleak adierazi duenez, prozesuaren «desnaturalizazioa bizitzen ari gara», izan ere, «gezur batean bihurtu dela uste dugu, atez atekoa kentzeko edo horri buruz galdetzeko herritarren eskaeren aurretik, Bilduren irizpide politikoak jarri direlako».
Gainera, beste gaien aurrean berdin jokatuko luketela onartu dute: «gure planteamendua berbera izango litzateke irizpide politikoengatik kanpoan beste proposamen batzuk geratuko balira».
Izan ere, prentsa oharrean EAJ-PNVk galdera bat egiten du: «alderdi politiko baten irizpide politikoek herritarren eskaeren gainetik egon behar dute udal ordezkaritza duten alderdi politiko guztiek martxan jarritako prozesu partehartzaile batean?». EAJ-PNVko Udal taldeak dio ezetz.
Prozesuarekin ados
Dena den, diote prozesuarekin eta honek jartzen dituen baldintzekin ados egon direla urtero, hau da, 500.000 euroko balioa baino gutxiagoko proposamenak egitea, udal eskumena izatea eta horiek bozkatzea ondoren exekutatu ahal izateko.