dDonostia 2016 Europar Hiriburutzaren Itsasgileak programaren barruan, Gurdi Bidea: 18 egun Burgosetik Pasaiara ekimena jarri zuten abian abuztuaren 31n Burgosetik. 16 etapa burututa, Hernanitik pasako dira gaur, ibilbidearen 17garren egunean. Andoaindik abiatuko dira idi eta behi menditarrek tiratako hiru gurdiak goizeko 08:00etan, eta Urnieta, Hernani eta Astigarraga gurutzatu ondoren, Astigarragako Lizeaga sagardotegian bukatuko dute.
Alkitrana eta bikea, Albaola Itsas Kultur Faktoriara
Gurdi Bidearen helburua da Quintanar de la Sierrako Cabaña Real de Carreteros elkarteak modu tradizionalean egindako alkitrana eta bikea garraiatzea Pasaiako Albaola Itsas Kultur Faktoriara. Bi materialak bertan egiten ari diren XVIgarren mendeko San Juan baleontziaren erreplika kalapetatzeko erabiliko ditu Albaolak.
Herritarrei, erakundeei, elkarteei... bat egiteko deia
Antolatzaileen esanetan, gizarte osoari zuzendutako ekimena da Gurdi Bidea. Horregatik, herritarrak, elkarteak, erakundeak eta enpresak Gurdi Bidearekin bat egitera gonbidatu dituzte.
Izan ere, helburua da ibilbidean zehar dauden baliabide turistikoak, artistikoak eta kulturalak balorean jartzea. Baita behi menditarren arraza desagertzeko zorian dagoela ezagutzera ematea ere.