Askotan baratzetan landatzea udaberri eta udarekin lotzen bada ere, neguan ere hainbat barazki jarri daitezke bertan. Horri helduta, eta negurako baratza prestatzeko asmoz, tailerra antolatu dute ostegunean. Neguan baratza udan bezain polita eduki nahi dutenei egin diete deia: «hasi gaitezen ordurako baratza prestatzen: orain jarri daitezkeen barazkiak zeintzuk diren ikasiko dugu, bai betikoak eta baita berriak ere. Hala, neguan ere, gure baratzetan jasotako barazkiekin entsaladak prestatzen jarraituko dugu».
Ikastaro irekia, interesa duten guztientzat
Ikastaroa ostegunean izango da, arratsaldeko 18:00etatik 19:30etara. Baratze parkean bertan emango dute debalde, eta interesa duen edonor gerturatu daiteke, parte hartzera. Bestalde, furgobaratza zerbitzua ere izango dela gogoratu dute: aholkularitza baratzeko gaietan, plantel eta hazi ekologikoak...