Ikasturte honetan ere, bi ikastaro izango dira aukeran, Ereñotzuko Auzo Udalean.
Dagoeneko ireki dute izenemate epea; hilaren 23ra arte izango da apuntatzeko aukera. Horretarako, Auzo Udalera bertara jo behar da, edo telefonoz deitu, 943 55 10 00 zenbakira.
Ikastaro bakoitzetik bi saio, astero
Ikastaroen ordutegiak ere zehaztu dituzte. Batetik, yoga egiteko aukera izango da, astearte eta ostegunetan, 17:30etatik 18:50etara. Bestetik, aerobik egin ahal izango da, astelehen eta asteazkenetan, 18:00etatik 19:00etara.