Ikasturte berrian futbol eskolan edo kirol txokoan izena eman nahi duten neska-mutilek orain dute aukera. Futbol eskolan 2005 urtetik 2008 urte bitartean jaiotakoek eman dezakete izena; kirol txokoan, berriz, 2009 eta 2010 urte bitartean jaiotakoek.
Izena emateko bi aukera daude: astelehen, asteazken eta ostiraletan, 17:00etatik 19:00etara Zubipeko bulegoan; bertan izen-emate orria eskuratu behar da eta bete. Bestela, orri hori www.cdhernani.com web orritik deskargatu daiteke, eta beteta, bulegoan entregatu. Nahi duenak posta elektronikoz ere bidali dezake beteta, futboleskola@cdhernani.com helbidera. Saioak astelehen eta ostiraletan izango dira, 17:00etatik 18:30etara, eta ume bakoitzarentzat egun bat aukeratu beharko da.