Festak ez du etenik Zikuñagan, eta gaurkoan auzotarren musika emanaldiek jarriko dute giroa. Umeentzako jokoekin hasiko dute eguna; eta buruhaundiek eta Pu’N’tilloren musikak alaituko du eguerdi partea. Uraren gerrarekin hasiko dute arratsaldea; eta Apaxi kontalaria ere izango da gaur Zikuñagan. Iluntzean tradizioa bihurtu diren danbor hotsak entzungo dira auzoan. Urumea txaranga ere ibiliko da auzoan barrena.
Gauerdiaren aurretik, eguneko nobedadea
Aurtengo jaietan berrikuntza bat baino gehiago ari dira izaten, eta horietako bat da gauerdirako antolatu dutena: Canshadows taldearen aurretik, auzotarren emanaldia izango da. Leño abeslariaren Maneras de vivir abestia landu dute auzoko haur eta gazteek, eta zuzenean eskainiko dute: albokarekin, trikitixa joaz, elkarrekin abestuz... emanaldi berezia izango da guztientzat, zalantzarik gabe.
Esku pelota kanporaketak, bihar
Eguraldi txarra dela eta, atzo arratsaldean egitekoak ziren haurren esku pelota txapelketako kanporaketa bertan behera geratu zen. Horregatik, Jai Batzordeak jakinarazi du bihar egingo duela kanporaketen fasea, goizeko 10:00etan hasita. Finala, aldiz, etzi izango da, 12:30etan.
Egitaraua
10:00, Eltxetxo eta irinaren jokuak eta haurren toka, bote eta igel
txapelketak.
12:00, Buruhaundiak, Pu’N’tilloren musikaz alaitua.
15:00, Urarekin gerra.
17:30, Apaxi ipuin kontalaria.
20:00, Danborrada.
23:00, Urumea txaranga.
00:00, Kontzertua: Canshadows.