Eztanda egin du festak Zikuñagan!

Jai giroak dakarren alaita­su­narekin ospatuko dituzte Zi­ku­ñagako bizilagunek hasi berri diren jaiak. Atzo hasi ziren fes­tak, eta igandera bi­tar­tean, «on­do baino hobeto» pa­satzeko asmoa dutela azal­du dute Jai Batzordetik: «urte zaila eta go­go­rra izaten ari da, tris­tea; alai­tasuna zabaltze­ko asmoa­rekin ekin diogu Jai Batzor­de­tik. Egun gutxi ba­tzuk badira ere, gure asmoa da auzoari diz­dira be­re­zia ematea, ondo bai­no hobeto pa­satzea, eta ahal du­gun irri­barre haun­diena izatea. Ez ditu­gu ahaztu aurtengo jaie­tan disfrutatu ezingo dute­nak, gure artean ez zaudete­nak».

Egun haundiak asteburuan
Auzoko txikienentzako bi eki­tal­di antolatu dituzte gaur: hau­rrentzako esku pelota kan­po­­raketak eta bost urtekoen­tzako moto lasterketa. 3garren Ziku Txanpions Futbol txapel­keta ere, gaur jokatuko da.
Egun haundiak berriz, bi­har­koa eta asteburukoak izan­go dira. Bihar txikientzako eki­tal­di eta jokoak izango dira; eta baita ere, Zikuñagako jaietako in­tsinia bihurtu den danbo­rra­da ere. Txaranga eta kontzer­tuak izango dira, egunaren bu­ka­eran.
Larunbatean tortilla lehia­ke­ta eta sagardo dast­a­ketak mar­katuko du eguerdi partea. Hau­rrentzako ekitaldirik ez da faltako; iluntzean barbakoaren buel­tan elkartuko dira auzo­ta­rrak. Eta nola ez, irrintzi lehia­keta ere izango da jokoan. Euphorik eta Humus taldeek gi­ro­tuko dituzte, azken orduak.
Igandea Zikuñagako Ama­ren omenezko mezarekin ha­siko dute. Txapelketen eguna izan­­go da azkenekoa, eta herri ki­rol erakustaldirik ere ez da fal­ta­ko. Zezen suzkoa eta azken tra­karekin bukatuko dira, aur­tengo jaiak.

EGITARAUA
OSTEGUNA
17:00, Haurren esku pelota kanporaketak.
18:30, 5 urtetik beherakoentzat moto lasterketa.
20:00, 3. Ziku Txanpions Futbolin txapelketa.

OSTIRALA
10:00, Eltxetxo eta irinaren jokuak eta haurren toka, bote eta igel txapelketak.
12:00, Buruhaundiak, Pu’N’tilloren musikaz alaitua.
15:00, Urarekin gerra.
17:30, Apaxi ipuin kontalaria.
20:00, Danborrada.
23:00, Urumea txaranga.
00:00, Kontzertua: Canshadows.

LARUNBATA
10:30-12:00, Marrazki lehiaketa.
12:30, Tortilla lehiaketa.
Ondoren, Sagardo dastaketa.
16:30, Marrazki lehiaketako sari banaketa.
Ondoren, Haurrentzako ginkana.
21:00, Barbakoa herrikoia.
23:30, Irrintzi lehiaketa.
00:00, Kontzertua: Euphoric eta Humus.

IGANDEA
10:00, Zikuñagako Amaren omenezko meza, eskoletan.
11:00-13:00, Jumping eta puzgarriak.
12:30, Esku pelotako finalak.
15:00, Apar festa.
17:00, Helduen toka, bote eta igela txapelketak. Izena emateko ordutegia: 16:00etatik 17:00etara. 
17:00-19:00, Jumping eta puzgarriak.
18:00, Herri kirolak: Joseba eta Udane Ostolaza harrijasotzaileak; eta Luis Txapartegi eta Joxe Mari Esnaola aizkolariak.
19:30, Askaria eta txokolatada.
20:00, DJ Nemuxekin dantzaldia.
22:00, Zezen suzkoak, traka eta jaien amaiera.