Hurrengo urtera arte agurtu zituzten Marieluts-Latsunbeberriko auzotarrek beraien festak. Eta ez zuten nolanahi egin. Azkeneko eguna izanik, saridunak izan ziren eguneko protagonista nagusiak. Aurrena, Iturritxo Elkartearen IV. esku pelota torneoko finala izan zen, eta gaztetxo mordoa izan zen bertan; ondoren, irribarretsu eta harrotasunez zeramazkiten beraien domin eta kopak lepo eta besazpietan. Eta eguerdi aldera, jakinarazi zituzten patata tortila lehiaketako irabazleak: Izaskun Arriet, Iñaki Miranda eta Begoña Duran izan ziren, eta afari bikoitza irabai zuen bakoitzak.