Iskibi kanpinak garagardo festa antolatu du bigarren urtez; irailaren 10erako prestatuko dute Iskibiir Fest jaialdia.
Jan-edana, 12 eurotan
Arratsaldeko 19:00etan hasiko da festa, eta edatekoaz gain, jatekoa ere izanen da. Hain zuzen, menua osatuko dute ukondoak edo oilaskoak, saltxitxek, patata pureak... Eta nola ez, garagardo mota bat baino gehiago dastatu ahal izanen da.
Guztiaz gozatu ahal izateko, txartelak aurretik erosteko aukera zabaldu dute dagoeneko. Iskibi kanpinean bertan eta Amaia kafetegian daude salgai, 12 eurotan.
Kanpatzea, debalde
Jakiez gain, giro ederra eta musika alaia izanen dira, eta gainera, egun horretan kanpatzea debaldekoa izanen da.
Euskal jaia, laster
Bestalde, denboraldia bukatzeko, hilaren 18an euskal jaia eginen dutela ere aurreratu dute.