Donostia 2016 Kultura Hiriburutzaren barruan sortu eta bultzatu den 2016 Bidea egitasmoak Astigarraga bisitatuko du asteburu honetan ere. Bihar, Astigarraga izango du abiapuntu 24garren etapak, eta Oiartzunen bukatuko da. Izenematea www.dss2016.eu webgunean egin daiteke. Goizeko 08:30etan jarri dute zita, Frantxillan, eta agurra egin ondoren abiatuko dira. Bidean zehar, Landarbaso-Kauso harrespila eta Kauso-Arrikoitzola gaina ezagutuko dira, eta bukaeran, 16:00etatik 17:00etara Aiako Harrira eta Luberri Museora bisita didaktikoa egingo dira.