Gaur hasiko du Liga CD Hernaniren jubenil mailako Liga Nazionaleko mutil taldeak Zubipen. Denboraldi berriko aurreneko norgehiagoka honetan, Reala izango dute aurkari hernaniarrek arratsaldeko 18:00etatik aurrera.
Genuaren bixita berezia
Baina ez da Zubipek izango duen bixita bakarra. CD Hernaniko futbol sailak ere bere omenaldi propioa egin nahi izan dio Igor Genua Sistiaga errugbi jokalariari, eta horretarako, Zubipera jaisteko gonbidapena luzatu dio.
Bertan, hernaniar olinpikoak ohorezko sakea egingo du partiduaren aurretik. Herritarrak animatu dituzte bertaratzera.
Beste taldeek, lagunartekoak
Jubenilen taldea da Liga hasiko duen bakarra, besteek lagunartekoekin jarraituko dute asteburu honetan.
Hala, Ohorezko Erregional mailak Lesakan jokatuko du gaur Beti Gazteren aurka, goizeko 11:30etan. Euskal Ligako neskek, aldiz, atsedenaldia izango dute oraingoan. yy