Jokatuz elkartu eta irabazi... etxera! lelopean, futbol 7 txapelketa antolatu dute gaurko. Zubipen jokatuko dute, eta goizeko 08:30etan jarri dute zita bertan elkartu eta taldeak osatzeko. Orduan ere, taldea ez dutenek izango dute izena emateko aukera, eta bertan daudenekin osatuko dituzte taldeak.
Ondoren, 09:00etan hasiko dira partiduak, eta eguerdira arte iraungo dute.
Egun osoko egitaraua, dispertsioaren aurka
Txapelketa izango da eguneko ekintzarik garrantzitsuena, baina horren bueltan, egun osoko egitaraua antolatu dute, dispertsioaren aurka.
Txapelketa bukatuta, Zubipetik Tilosetara egingo dute salto, eta bertan bazkalduko dute parte-hartzaileek, baita atzora arte txartela erosi zutenek ere.
Bazkalostea Andoni Ollokiegi abeslariak girotuko du, eta bukatzeko, Sakatu elektrotxaranga izango da, kaleetan barrena.