Irriparrea, alaitasuna eta musika gaur, Atsegindegin

Datorren astean egingo dute eskolara buelta Her­naniko haurrek, eta buelta hori atseginagoa izan dadin, ikuskizun berezia antolatu du gaurko Hernani Musika Eskolako  akordeoi taldeak.  Arratsaldeko 18:00etatik au­rre­ra, Amalur ikuskizuna es­kainiko dute Pirritx, Porrotx eta Marimotots pailazoek Atsegindegin. 

Marimototsek baserritarra izan nahi du
Baserrian kokatuko da ikus­kizun osoa, izan ere, Mari­mototsek baserritarra izan nahi du, eta Ilargi haur­dun dagoenez, bera lagun­tzera joango da baserrira.
Eta bertan, baserri­tarren mundua islatuko dute ikus­ki­zunaren sinopsiak dioen bezal: «Baserritarrak ze­rua irakurtzen du, izarrak, hode­iak eta haizea ezagutzen ditu, eta eguraldia iragar­tzen du. Baserritarrak lurra du ama, eta amak bera zaintzen duen bezala zain­tzen eta maitatzen du berak ere lurra. Sendabelar eta uken­duekin, abereen laguna eta sendagilea da, baita gu­rea ere. Larrean bertsotan eta azokan hizketan, euska­raren zaindaria da».

Sarrerak oraindik salgai, 7 euroan
Ikuskizuna kalean izango da, Atsegindegin, baina sa­­rre­ra ezinbestekoa izango da sartzeko. Leoka­disti eta Ikusi Makusi den­de­tan egongo dira salgai gaur eguerdira arte, eta ge­ro, Atsegindegin bertan erosi ahal izango dira ikuskizuna hasi baino lehen, 7 euroan.