Pirritx, Porrotx eta Marimotots gonbidatu dituzte Hernanira zortzigarren urtez Hernani Musika Eskolako akordeoi taldeko kideek, eta bihar eskainiko dute Amalur emanaldia. Arratsaldeko 18:00etan izango da, Atsegindegin jarri den oholtzan, baina ikuskizunaz gozatzeko, sarrera ordaindu beharko da.
Aste hasieran jarri zituzten sarrerak salgai Leokadisti eta Ikusi Makusi dendetan, eta bertan erosi ahal izango dira sarrerak bihar eguerdira arte, 7 euroan. Bihar arratsaldean ere, ikuskizuna hasi baino lehen, sarrerak eskuratu ahal izango dira oraindik agortu ez badira.