Zikuñagak hartu du erreleboa!

Maiatzean hasi eta udazkenera bitartean, hernaniarrak auzoz auzo, festa giroan ibil­tzeko aukera ari dira izaten. Bukatu berri dira Latsun­be­berri-Marielutseko jaiak eta Zikuñagak dagoeneko hartu die erreleboa. Gaur izango da festetako aurreneko eguna, bi txapelketekin. Batetik, 17:00e­tan hasita, Haurren Pala Txa­pelketa jokatuko da; eta bestetik 19:30etatik aurrera, Ziku­ñako Ama futbito txapelketa ezaguna izango da jokoan.
Zikuñagako jaiak igandera arte luzatuko dira, eta asteburuaren bueltan izango dira egun haundiak: danborrada, haurrentzako jolas eta ekin­tzak, kontzertuak, lehiaketak, barbakoa herrikoia... azken honetarako txartelak erosi nahi dituenak gaur du azkeneko aukera, auzoko edozein tabernetan.