Txileko hainbat unibertsitate eta elkartek antolatuta, tartean Alianza Basura Cero Chile, hondakinen inguruko hainbat jardunaldi burutu dituzte azken astean. Eta bertan izan da Luis Intxauspe alkatea, Hernaniko hondakin bilketa-sistemari buruz hitz egiten. Izan ere, Udalak azaldu duenez, «atzerrian ere, Hernaniko hondakin bilketarako sistema eredugarritzat dute». Hitzaldi desberdinetan parte hartu du Intxauspek, Paul Connet adituarekin batera.
Urteak zero zabor planak garantzen
Connet estatubatuarra da, Kimikan doktorea, eta ingurugiroari loturiko kimika eta toxikologian duen esperientzia 30 urte baino gehiagoz hondakinen errausketaren eta ur edangarriaren fluorazioaren ikerketara zuzendu du. Gainera, Udalak azaldu duenez, «60 herrialde baino gehiagotan komunitate ezberdinak lagundu ditu hondakinen errausketa saihesten eta zero zabor planak garatzen».
Hernaniko hondakin bilketa hizpide, Txilen
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!