Euskal sagardoaren kontsumoak gora, AEBtan

Ekainara arteko salmenten arabera, nazioarteko merka­tu­etan euskal sagardoaren kon­tsumoak gora egin du, eta hala baieztatu du Petritegi sagardotegiak AEBetako New York eta Washingtonera abuz­tuan egindako bidaian. 
Petritegiko Ainara Otañok azaldu duenez, «sagardoak salmenta aukera haundiak ditu nazioarteko merka­tue­tan, sagardoaren kontsumoa gora dijoalako, batetik, eta gure produktuaren ezaugarri­en­gatik, bestetik; gure sa­gardoa desberdina da eta kan­poko kontsumitzaileari gus­tatu egiten zaio, baina azaldu egin behar zaio produktua eta bere kultura».
Otañoren ustetan beha­rrez­koa den azalpen hori, promo­zioa­ren bitartez egiten da, besteak beste. Lan horre­tan izan da, hain zuzen, Pe­tritegi sagar­dotegia AEBtan; abuztuko au­rre­neko astean sagardo­aren ekintzak egin ditu Astiga­rragako sagardo­tegiak New York­­eko Murray’s Cheese Barren eta Washin­g­tongo Anxo sagardotegian. 
«Ekintza hauetan sal­tza­i­leekin lan egiteaz gain, pro­duktua ezagutzera emateko balio dute, sagardoaren kul­tura, usadioa... izan ere, mer­katu hauek asko baloratzen dute kultura hori, historia eta euskal sagardoaren izaera naturala eta betikoa», azaldu du Petritegi sagardotegiak ohar baten bi­tartez.