Udararen bukaerarekin batera, auzoetako festen azken trakara iristen ari gara. Latsunbeberri-Marielutsek hartuko dio erreleboa ostiral honetan Portu auzoari.
Ostiral arratsaldean, hasiera
Hiru eguneko festa izango da Latsunbeberri-Marielutseko Iturritxo elkarteak asteburu honetarako antolatu duena. Ostiral arratsaldean emango zaio hasiera, ohiko kohetearekin; eta igandean botako dute azkeneko suziria, eguerdi aldera.
Ekintza mordoa, tartean
Hasieratik bukaerara arte, ez da etenik izango. Arratsaldeko 19:30etan botako duten hasierako kohetearen ondoren, Apaxi ipuin kontalariak, iluntzeko sardin-jateak eta DJak girotuko dute auzoa eta animatuko dituzte auzotarrak.
Larunbatean izango da egun haundia: mota askotako jolasak, paella-jatea, trikitilariak, puzgarri eta ohe elastikoak, hainbat txapelketa... denetarik izango da, goiz goizetik gauera arte.
Eta bukatzeko, igandean izango dira patata tortilla txapelketa ezaguna, eta sagardo dastaketa, 10 sagardotegien eskutik.