Udarako oporren bukaerara iristen ari gara, eta horrekin batera, denboraldi berria prestatzeari ekin diote Hernaniko kirol talde gehienek. Eskubaloi taldearen txanda izango da gaur. Arratsaldeko 19:00etan jarri dute aurreneko zita, kiroldegiko lehenengo pistan, eta bertan elkartuko dira talde guztietako jokalariak.
Aurreko urteetan jokatu duten neska-mutilez gain, nahi duena kirola probatzera bertaratu daitekeela jakinarazi du Taldeak: nesketan, 2004 eta 2003 urtean jaiotakoek izango dute aukera; mutiletan, aldiz, 2001-2004 artean jaiotakoek.
Ordutegi desberdina, bihartik
Talde guztiek batera egingo dute aurreneko entrenamendua, baina bihartik aurrera, ordutegi desberdinak zehaztu dizkiote talde bakoitzari: bihar, 17:00etan mutilak, eta 18:30etan, neskak; eta etzi eta ostiralean, 18:00etan, mutilak, eta 19:00etan, neskak.
Eskubaloi eskola, aurrerago
Horrez gain, Eskubaloi Taldeak jakinarazi du Eskubaloi eskolako entrenamenduak beranguago hasiko dituztela, eta parte hartu nahi dutenek, hernanieskubaloia@gmail.com helbidera idatzi beharko dutela, edo kiroldegiko entrenamenduetara gerturatu. yy