Bazirudien festak atzo zirela hastekoak Portu auzoan, baina ez. Bukatu egin ziren. Aurreko egunetan, beroa medio alerta horia emana zegoela eta, ez zen etxaferorik bota, eta atzo, eguraldi txarrari umore onenarekin erantzunez, ordura arteko guztiak bota zituzten, azken trakara arte; etxerako deia!
Baina bitartean, giro ederra izan zen egun osoan, nahiz eta euria egin: pelota partiduak, sagardo dastaketa solidarioa, bazkaria, dantza erakustaldi jendetsua...
Chiosera, 820 euro
Jendea berehala bildu zuen ekitaldietako bat izan zen sagardo dastaketa solidariora; 820 euro bildu ziren, Siriako errefuxiatuei jatena emateko Zaporeak proiekturako. Antolatzaileek bertsolariak ere eskertu nahi izan dituzte, eguraldi txarra medio, ez baitzuten kantatu, baina jasotako dirua Zaporeakentzat eman baitzuten.
Festarik festa, irailean ere
Portuko San Joan Txikiekin, uda giroko festei agur esaten zaie, baina erreleboa hartzeko prest daude, Latsunbe-Marielutsen. Ostiralean hasiko dira festak.