Aurten ere, 5-11 urte bitarteko haurrentzako tailerrak antolatu dituzte Udalak eta auzo elkarteek elkarlanean. Urriaren aurreneko astean hasiko dituzte, baina gaur arte dago aukera izena emateko. Horretarako, auzo elkarteetako lokaletara joan behar da. Bederatzi auzoetan izango dira tailerrak aurten: Antziola, Sorgintxulo, Elizatxo, Portu, Latsunbeberri-Marieluts, Karabel, Zikuñaga, Ereñotzu eta Lizeaga.