Urtea hasi zenetik, Euskal Herria zeharkatzen ari da Club Vasco de Camping Elkartea 2016 Bidea egitasmoarekin. 32 etapa dituen bidea da, eta datozen biek Astigarraga zeharkatuko dute. Bihar pasako da aurrenekoa; datorren igandean, irailaren 4an, bigarrena.
Andoainen hasita
Andoainen hasiko da biharko 23garren etapa goizeko 08:30etan, eta Astigarragan bertan bukatuko da, arratsaldez. Tartean, Mulisko Gañen egingo dute geldialdia, Oteiza eta megalitikoari buruzko azalpenak entzuteko. Eta bukaeran, Astigarragako Sagardoetxean.
Oiartzunera, datorren astean
Datorren igandekoa, aldiz, Astigarragan hasi eta Oiartzunen bukatuko da. Parte hartu nahi duenak, oraindik izena eman dezake Donostia 2016ko webgunean: www.dss2016.eu.