San Agustin eguna bihar, Artikutzan

Bihar izanen da San Agustin eguna, eta hori ospatzeko, ate­ak irekiko ditu Artikutzak, publikoarentzat. Egun berezia izanen da, hori baita parke naturala zabalik dagoen urte­ko egun bakarra.

Egun osoko egitaraua
Erlojuak 08:00ak ematen di­tu­enean sartuko dira Arti­ku­tzara goiztiarrenak, eta or­du­tik aurrera, jende mordoak bisitatuko du Goizuetan egon arren, Donostiako Udalaren men­­pe dagoen parke natu­rala. Baina bisitatu bakarrik ez, festa eguna izango da  bi­har­koa, eta horretarako, egun osoko egitaraua prestatu dute.
Goizeko 11:00etan hasiko di­ra ekintzak mezarekin, eta ber­tan izanen da Egi Eder otxo­tea. Ondoren, 11:30­e­­tan izanen dira pilota par­tidak, pasaka eta eskuz. 
Arratsaldean ere, mugi­men­durik ez da faltako: 17:00­etan aizkolariak, txinga era­ma­ile­­ak, lokotx bilketa eta harrijasotzaileak izanen dira; eta 19:00e­tatik aurrera, dan­tzaldia, Xabi Dantzaleku DJa­rekin.

Azoka eta bi taberna
Horrez gain, artisautza azoka izanen da egun osoan zehar, baita bi taberna ere, jateko eta edateko aukera zabalarekin.