Ikasturte berriaren atarian, eskolara buelta prestatzeko garaia

Udarako oporrak bukatzear dau­de, eta haurrek bi aste ba­rru hasiko dute ikasturte be­rria. Eskolara buelta prestatzeko garaia iritsi da, beraz. 

Aukera zabala, Hernani eta Astigarragan
Milaka haur eta gazteek hasiko dute ikasturtea Urumea bailaran, eta horien beharrak ase­tzeko, aukerak anitzak dira gure inguruan.
Txikienek, haurreskolan au­rre­nekoz estreinatuko direnek, badute zer erosi Her­naniko Ikusi Makusi dendan: mantalak, motxilak... Eta haundienek, ordea, Urbieta Kopiaken erosi ditzakete beraien koaderno, arkatz, estutxe eta ikasturteko agendak.
Astigarragan, aldiz, Merke Azoka dendak eskaintzen du aukera hori: testu liburuak, eskolako materiala, jostailu didaktikoak, eskulanak... denetarik dago aukeran.

Material teknologikoa ere bai
Betiko materialaz gain, material teknologikoa ere gero eta garrantzitsuagoa da eskolan egiten den lana aurrera eraman ahal izateko. 
Horretarako, Oria informatika dendara jo daiteke. Punta puntako ordenagailuak aurki daitezke bertan, izan mahaikoak edo portatilak, baita orain eskoletan hainbeste erabiltzen diren tabletak ere. Horiek sal­tzeaz gain, etxean dagoena konpondu eta egoera onean mantentzeaz ere arduratzen dira Oriako langileak.

Haurren bista errebisatzea, ezinbestekoa
Dena den, haurren beharrak ez dira soilik materialak. Biokbi Optikako Alejan­dra Alcibar  optiko-optometristak dioenez,  «ikasturte hasiera garai ona da haurrei bista errebisatzeko».
Alcibarrek azaltzen duen moduan, kontuan hartu behar da «haur askok ez dutela atzematen gaizki ikusten dutenik, eta uste dute ikusten duten modua normala dela». 

Bistako arazoak dituztela susmatzeko seinaleak
Haur batek bistako arazoak di­tuela susmatzeko, seinale ha­uei erreparatzea gomendetzen du Biokbi Optikako ardura­du­nak. 
Hasteko, gurasoek begiratu behar dutena da «haurra liburu edota telebistatik oso gertu jar­tzen den; eta irakurri edota etxerako lanak egin on­doren buruko mina duen». Beste seinale bat da: «haurra kexatzea gertutik edo urrutira lausotuta edota bikoiztuta ikusten duelako». «Lepoa okertuta jarri eta haurrak tortikulisaren postura jar­tzen duela ikustea» ere susmagarria izan daiteke; baita «irakurtzean, testua behatzarekin jarraitzeko ohitura izatea» ere.

Hiru azterketa
Susmagarriak diren seinale horiek haurrek egiten dituztela ikusterakoan, errebisioa egitea gomendatzen du Alejandra Alcibar adituak. Haurren ka­suan, hiru azterketa egitea gomendatzen dute: aurrenekoa, 6-9 hilabeterekin; ondoren, 3 urte dituenean; eta bu­katzeko, lehen hezkuntzan hasi baino lehen, beste errebisio bat. Hortik aurrera, aldizkako azterketak, urtero.
Alcibarrek eskola garaiko haurren azterketa hauen ga­rrantzia azpimarratu nahi du, batez ere, «bistako arazoak goiz aurkitzeko modua baita».
Bestalde, adituak gogorarazi nahi du «optiko-optometristek ez dituztela soilik betaurrekoak sal­­tzen; gai direla frogatzeko hau­rraren begietako sistema prest dagoela irakurtzeko, idaz­te­ko, hainbat ordutan zehar ar­belean dagoena kopiatzeko...».