Urtero bezala, egun pasa antolatzen ari da Osiñagako auzo elkartea, irailaren 4rako; oraingoan, Baztan aldera. Izena irailaren 1a arte eman ahal izango da, elkarteko norbaitekin hitz eginda. Egun pasa goizeko 08:30etan hasiko da, Loidi edo Bordaberrin, eta hamaiketakoa Bertizen, parke naturalean egingo dute. Ondoren, Arizkungo dolarea eta herria bisitatu, eta Ordoki erretegian bazkalduko dute. Autobusa auzo elkarteak ordainduko du, baina bazkaria, nork berea: helduek 25 euro, eta umeek, 15.