Ergobiko festak azkeneko egunera iritsi dira; gaur izango da azkeneko eguna, eta ekintzez lepo agurtuko dituzte festak ergobitarrek.
Ergobiko 52garren Idi Pro–ba Sari Nagusia izango da eguneko ekintza garrantzitsuena: 2 txandatan egingo da, 12:00etan eta 18:00etan, eta bakoitzean, hiru idi parek hartuko dute parte.
Horrez gain, bazkari ofiziala ere, gaur egingo dute, eguerdiko 14:30etan, eta txaranga azalduko da bazkalostea girotu eta egunaren amaierara arte.
Eguna bukatzeko, ez dira faltako zezen suzkoa eta gauerdiko ikuskizun paregabea.
Alorrenea, Oiarbide eta Lizeaga sagardotegiak izan ziren hiru saridunak, hurrenez hurren.
Sagardo lehiaketa, atzo
Atzo, aldiz, sagardo probaketa eta lehiaketa egin zuten plazan. 55garren edizioa burutu zuten aurten, eta Alorreneako sagardoa izan zen garaile. Oiarbidekoa izan zen bigarren; eta Lizeagakoak lortu zuen hirugarren postua.
GAURKO EGITARAUA
12:00, LII Ergobiako Idi-Proba Sari Nagusia. Aurreneko txanda. Aurtengo gonbidatuak: Telleria Hernanikoa, Artola Oiartzungoa, Arzadun Aiakoa, Irarreta Oreretakoa, Oliden Oriokoa, eta Elosegi Zaldibikoa.
14:30, Bazkari ofiziala.
17:00, Txarangak bere agerraldia
egingo du plazan, eta gurekin izango da jaiak amaitu bitartean.
18:00, Idi-proben bigarren txanda (beste hiru parte-hartzaile).
Ondoren, sari-banaketa. Sari berezia hitzai hoberenarentzat eta lehenengo 10 plazak azkarren egiten
dituenarentzat.
23:15, Zezen suzkoa.
00:00, Ikuskizun paregabea.