Larunbatean hasiko da Buruz Buruko Kutxabank Erremonte Txapelketako finalerdien fasea, eta dagoeneko badakizkigu lau sailkatuen izenak: A taldetik, Urriza eta Ion; eta B taldetik, Barrenetxea IVa eta Uterga.
Utergak Urriza izango du aurkari finalerdietako aurreneko partiduan; Barrenetxea hernaniarra, aldiz, Ionen aurka lehiatuko da.
Aizpuru IIIa eta Endika, txapelketatik kanpo
Horrela, bada, Aizpuru IIIa eta Endika izan dira Kutxabank Txapelketatik kanpo geratu diren bi erremontistak. Dena den, bata eta bestearen arrazoia oso desberdina da.
A taldeko ligaxka jokatzen ari bazen ere, Endikak lesioagatik utzi behar izan du txapelketa, eta Ion izan da sailkatua, automatikoki.
Aizpuru IIIak, aldiz, 30-14 galdu zuen Barrenetxea IVaren, B taldeko liderraren, aurka; eta emaitza berarekin bukatu zuen herenegun, Uterga aurkari zuela. Ondorioz, taldeko azkena izanik, ez da sailkatua izan.
Finalerdietan, Uterga eta Urriza lehiatuko dira, alde batetik; eta Barrenetxea IVa eta Ion, bestetik.
Bihar, ohiko partiduak
Finalerdirako sailkatuak zein izango diren zehaztuta, bihar ohiko partiduak jokatuko dira Galarretan; beti bezala, arratsaldeko 16:00etan hasita.