Rio de Janeiron da Iñigo Llopis igerilari hernaniarra, Joku Paraolinpikoetan dena emateko prest. Azken momentuan sailkatu bazen ere, urte osoan egindako lanaren saria jaso du orain Llopisek.
100 metroak, gaur
Hiru probetan hartuko du parte Rion: 100m libre, 200 estilo propioa eta 50m libre. Gaur du aurreneko zita, 100m librean; 11:09an jokatuko da kanporaketa. Bigarren zita ostiralean izango du Llopisek, 50m librean. Eta azkenik, larunbatean jokatuko du erosoen sentitzen den kanporaketa: 200 estilo propioa. Kronikari azaldu zionez, azken honetan du Llopisek denbora onena egiteko esperantza.