Ederki sufrituta, baina Euskal Ligan mantentzea lortu zuen iaz Hernaniko nesken taldeak, beraz, Ligan jarraituko du aurten ere. Helburua, berbera: beste urte batez bertan mantentzea.
Hori lortzeko asmoz, aurreko ostiralean hasi zituzten entrenamenduak, eta bihar izango dute aurreneko lagunarteko partidua Oiartzunen aurka. Etxean izango da norgehiagoka, Zubipen, goizeko 09:30etan hasita.
Talde gaztea, Euskal Ligarako
Aurreko denboraldiaren antzera, aurten ere talde gaztea izango dela onartu du klubak, batez ere, Euskal Liga bezalako liga beterako. Dena den, aurredenboraldiaren hasiera honetan itxaropentsu egoteko arrazoiak dituztela onartzen dute: «iazko urtean mantentzeko helburua lortu eta gero, aurten gehienek urtebete gehiagoko esperientzia dute eta taldeak paper ona beteko duela uste dugu».
Aldaketa gutxiko taldea, beraz; bost izen berri besterik ez daude: jubenil mailatik igo diren biak (Enire Beain eta Leire Olasagasti); eta hiru kanpotar (Kiara Tobajas, Nerea Uranga eta Ainhoa Lizaso).
Entrenatzaile berria
Aurtengo erronkari begira, taldeak duen aldaketa nabarmena entrenatzailearena da. Azken urteotan Andoni Loran hernaniarraren aginduetara egon den taldea, Gorka Alvarez lasartearrak zuzenduko du hemendik aurrera.
Nesken entrenatzaile berriak, Ane Ibarburu jokalari ohia, izango du ondoan, laguntzaile lanetan.